Inuusuttut Kalaallit Nunaanni najugaqavissut

Ataani tabelimi takuneqarsinnaapput najugaqavissut pineqartut 16-it 25-illu akornanni ukiullit qanoq agguaassimaneri. Pineqartoq najugaqavissutut naatsorsugaavoq ukiumi kisitsiviusup aallartinnerani naalerneranilu Kalaallit Nunaanni najugaqartutut nalunaarsorsimappat. Inuusuttut ilinnakkanik aallutaqartut suliffeqartullu ilinniakkamik aallutaqartutuinnaq tabel 9. malillugu nalunaarsorsimapput.

 

Tabel 2. Najugaqavissut 16-it 25-illu akornanni ukiullit

	2009	2010	2011	2012	2013	2014
Ilinniartut ..............	1.990	2.072	2.266	2.239	2.165	2.046
Suliffillit ...............	3.575	3.323	3.246	3.070	3.043	2.934
Inuusuttut sullinniakkat ..	2.631	2.981	2.900	3.051	3.077	3.054
Katillugit ..............	8.196	8.376	8.412	8.360	8.285	8.034

Najoqqutaq: Naatsorsueqqissaartarfik – kisitsisaataasivik takujuk: (http://bank.stat.gl/UDNUMG1)

 

Ilinniartut amerlassusaat ukiut arfinillit ingerlanerini aalaakkaasumik ingerlasimagaluartoq inuusuttut suliffillit 2009-imut naleqqiullugit 2014-imi 641-inik ikinnerusimapput. Najugaqavissut amerlassusaat ukiut ingerlanerini allanngorsimavoq ukiunilu tulleriaanni 2014-imi ikinnerpaasipput.

 

2014-imi nunaqavissut pineqartut 8.034-it ataani assiliartalerneqarput. Inuusuttut ilinniakkanik ingerlataqartut efterkoleni, inuusuttunut qaffassarluni ilinniarfinni aammalu ingerlariaqqiffiusumik ilinniarfinni agguaanneqarput.

 

Titartagaq 1. 2014-imi najugaqavissut 16-it 25-illu akornanni ukiullit

Najoqqutaq: Naatsorsueqqissaartarfik – kisitsisaataasivik takujuk: (http://bank.stat.gl/UDNUMG1)

 

2014-ip naalernerani 26 procentit Kalaallit Nunaani efterkolini, inuusuttunut qaffassarluni ilinniarfinni imaluunniit ingerlariaqqiffiusumik ilinniarfinniissimapput.

3.054-it ukiup naalernerani ilinnniarfinni ingerlataqaratillu suliffeqarsimanngillat, taamaattumillu inuusuttut najugaqavissut 2014-imi inuusuttut sullinniakkat 38 procentiupput. 2009-mit 2010-mut ineriartornermik pissuteqartumik 2009-mili 6 procentpointinik qaffariartoqarsimavoq.

 

Ataani takuneqarsinnaapput 2014-imi inuusuttut agguaassimaneri, ukiut nalunaarsugaanerlu malillugit.

 

Titartagaq 2. 2014-imi najugaqavissut agguarneri, ukiut nalunaarsugaanerlu malillugit

Najoqqutaq: Naatsorsueqqissaartarfik – kisitsisaataasivik takujuk: (http://bank.stat.gl/UDNUMG1)

 

Ilinniarnernik ingerlatallit agguaqatigiissinnerat ukioqqortusiartorneri malillugit 2014-imi appariartorpoq. 16-inik ukiullit 30 procentii ilinniakkanik ingerlataqarput 25-inillu ukiullit 21 procentii ingerlataqarlutik. Suliffillit agguaqatigiissinnerat ukioqqortusiartorneri malillugit qaffakkiartorpoq. 18-inillu ukiullit akornanni inuit amerlassusaanni sisamaata missaat suliffeqartarpoq, 25-illi akornanni ukiullit inuit amerlassusaanni aappaata missaat suliffeqartarluni. Inuusuttut sullinniakkat agguaqatigiissinnerat ukiut amerliartornerini appariartorput. 16-inik ukiullit affaat sinnerlugu suliffeqanngikkunik ilinniartuupput, 25-inillu ukiulinni inuit amerlassusaanni pingajuat 2014-ip naalernerani inuusuttuni sullinniakkaniissimalluni.

 

2014-imi angutit 4.054-it aammalu arnat 3.980-it agguaanneri ataani titartakkami takuneqarsinnaapput.

 

Titartagaq 3. 2014-imi najugaqavissut 16-nit 25-illu akornanni ukiullit agguaanneri, suiaassuseq malillugu

Najoqqutaq: Naatsorsueqqissaartarfik – kisitsisaataasivik takujuk: (http://bank.stat.gl/UDNUMG1)

 

2014-imi inuusuttuni sullinniakkani angutit arnallu 38 procentinik annertoqatigiipput. Assigiinngissut takuneqarsinnaavoq suliffillit ilinniartullu sanilliunnerisigut. Ukiup naalernerani angutit suliffillit 40 procentimik annertunerusimapput, arnat suliffillit 33 procentinik annertussuseqarsimallutik. Akerlianik arnat 29 procentii ilinniartuusimapput angutillu 22 procentii ilinniartuusimallutik.

 

Inuusuttut 16-it 18-illu akornanni ukiullit

 

2009-mit 2014-imut najugaqavissut 16-it 18-illu akornanni ukiullit ataani tabelimi takuneqarsinnaapput.

 

Tabel 3. Najugaqavissut 16-it 18-illu akornanni ukiullit

	2009	2010	2011	2012	2013	2014
Efterskoleni .............	65	72	109	104	123	135
Ilinniartut ................	468	502	552	528	496	432
Suliffillit .................	802	717	624	498	482	432
Inuusuttut sullinniakkat ....	1.047	1.089	1.008	1.064	1.068	1.075
Katillugit ................	2.382	2.380	2.293	2.194	2.169	2.074

Najoqqutaq: Naatsorsueqqissaartarfik – kisitsisaataasivik takujuk: (http://bank.stat.gl/UDNUMG1)

 

Pingaartumik ukiuni 2009-mit 2012-imut inuusunnerit suliffillit agguaqatigiissinnerat malunnartumik allanngoriaateqarsimavoq. Ukiut ingerlanerini pineqartut efterkolertut ilinniartullu 5 pocentpointinik qaffariaateqarsimapput. Qaffariaat 2011-mi Maniitsumi efterkoleqalerneranik pisuusimassaaq. 2009-mi suliffillit 34 procentiusimapput 2014-mi 21 procentiusimallutik.

 

Titartagaq 4. 2009-mi 2014-imilu najugaqavissut 16-it 25-illu akornanni ukiullit

Najoqqutaq: Naatsorsueqqissaartarfik – kisitsisaataasivik takujuk: (http://bank.stat.gl/UDNUMG1)

 

Ukiut arfinillit ingerlanerini inuusuttut sullinniakkat agguaqatigiissinnerat 8 procentpointinik qaffariarsimavoq, 2014-imilu 52 procentiat inuusunnerusuninngaanneersimalluni.

 

Ataani titartakkami takuneqarsinnaapput najugaqavissut inuusunnerit agguaanneri, suiaassuseq malillugu. 2014-imi 16-it 18-illu akornanni ukiullit nukappiaqqat 1.017-iusimapput niviarsiaqqat 1.057-iusimallutik.

 

Titartagaq 5. 2014-imi najugaqavissut 16-it 18-illu akornanni ukiullit agguaanneri, suiaassuseq malillugu

Najoqqutaq: Naatsorsueqqissaartarfik – kisitsisaataasivik takujuk: (http://bank.stat.gl/UDNUMG1)

 

2014-imi nukappiaqqat 56 procentii inuusuttuni sullinniakkaniipput 23 procentiilu ilinniakkanik ingerlataqartuusimallutik. Niviarsiaqqani ilinniakkanik ingerlatallit amerlanerusimapput, tassani missiliorlugu inuit amerlassusaanni pingajuat ilinniartuusimalluni 20 procentiilu suliffeqarsimapput aammalu 48 procentii inuusuttuni sullinniakkaniissimallutik.